"ვაფრთხილებთ ორივე აქციის ორგანიზატორებს, აქციებმა არ მიიღოს ძალადობრივი ხასიათი"- შსს


     რუსთაველსა და თავისუფლების მოედანზე დაგეგმილი აქციების მონაწილეებს შს სამინისტრო აფრთხილებს. უწყება მოუწოდებს ორივე აქციის მონაწილეებს, გამოხატონ პროტესტი მშვიდობიანად და კანონით განსაზღვრულ ფარგლებში. 

     "როგორც საზოგადოებისთვის ცნობილია, რუსთაველის გამზირზე მიმდინარეობს აქცია. პარალელურად, 19:00 საათზე აქცია დაიგეგმა პუშკინის სკვერში. შინაგან საქმეთა სამინისტროს მოვალეობაა, უზრუნველყოს საზოგადოებრივი წესრიგის და უსაფრთხოების დაცვა აქციების მიმდინარეობის თითოეულ ადგილზე. აქციების მონაწილეთა მხრიდან კანონის დარღვევის ფაქტებზე სამინისტრო შესაბამის რეაგირებას მოახდენს. მოვუწოდებთ აქციის მონაწილეებს, არ გასცდნენ შეკრების და გამოხატვის თავისუფლების კანონით დასაშვებ ფარგლებს. ამასთან, ვაფრთხილებთ ორივე აქციის ორგანიზატორებს, არ დაუშვან ძალადობისკენ მოწოდებები და უზრუნველყონ, რომ აქციებმა არ მიიღოს ძალადობრივი ხასიათი. როგორც ერთი, ასევე, მეორე აქციის მონაწილეთა მხრიდან, სამართალდარღვევის ნებისმიერი ფაქტი პოლიციის მიერ დაუყოვნებლივ იქნება აღკვეთილი,"-ნათქვამია შს სამინისტროს განცხადებაში.
скачать dle 11.0фильмы бесплатно