არჩილ ტატუნაშვილის მამა გიორგი ტატუნაშვილი, საქართველოს პრემიერ-მინისტრს, თავდაცვის მინისტრს და საზოგადოებას მადლობას უხდის.
,,მადლობა მინდა პრემიერ-მინისტრს გადავუხადო, უღრმესი მადლობა თავდაცვის მინისტრს, ჩემი შვილის, უკანასკნელი ანდერძია ეს. ძმათა სასაფლაოზე დაკრძალვის საშუალება მოგვცეს. თანადგომისთვის მინდა, მადლობა გადავუხადო მთელ საქართველოს და საზოგადოებას”, – უთხრა გიორგი ტატუნაშვილმა დღეს ჟურნალისტებს.
გუშინ ცნობილი გახდა, რომ არჩილ ტატუნაშვილს მუხათგვერდის ძმათა სასაფლაოზე დაკრძალავენ.
