აფხაზეთის დეფაქტო საგარეო საქმეთა მინისტრმა ტატუნაშვილის საეჭვო ვითარებაში გარდაცვალების ფაქტს ინციდენტი უწოდა.
ამის შესახებ დაურ კოვემ ჟენევაში ჟურნალისტებთან საუბრისას განაცხადა.
„ტატუნაშვილთან დაკავშირებით მოდით, ვისაუბროთ, როგორც ინციდენტზე. განვიხილავთ ამ საკითხსაც, ცხადია, რომ საქართველო ამ საკითხს დააყენებს და ოსური მხარეც გასცემს პასუხს. ვერ გავაკეთებ კომენტარს - აწამეს თუ მოკლეს, ოსური მხარე წარმოადგენს თავის ხედვას და დასკვნასაც გამოვიტანთ,"- განაცხადა დაურ კოვემ.
