საქართველოს ეროვნული გმირი გურამ გაბისკირია 71 წლის გახდებოდა!


– დაიჩოქე და შეაგინე ქართველებს! – მიმართა გადამთიელმა ჟიული შარტავასთან ერთად დატყვევებულ მის თანამებრძოლს, სოხუმის მერს – გურამ გაბისკირიას.

– ,,Никогда в жизни.!"(არასოდეს ცხოვრებაში!) – იყო მერის პასუხი. მას მერე, იგი არავის უნახავს. ის გმირულად შეეგება სიკვდილს და თავი საქართველოს ერთიანობას შეწირა.

საქართველოს ეროვნული გმირი 71 წლის გახდებოდა!

გურამ გაბისკირია დაიბადა 1947 წლის 2 მარტს ქ. სოხუმში. 1954–1965 წლებში სწავლობდა სოხუმის მე–14 საშუალო სკოლაში. 7 წლიდან გატაცებული იყო ფეხბურთით.

1966–1971 წლებში სწავლობდა სოხუმის  მ. გორკის სახელმწიფო უნივერსიტეტში ისტორიის ფაკულტეტზე.

1965 წელს  საფეხბურთო კარიერა დაიწყო სოხუმის გუნდ ,,დინამო"–ში და იყო ერთ–ერთი წამყვანი ფეხბურთელი.

1972 წლიდან იყო რესპუბლიკური კატეგორიის მსაჯი, ხოლო 1980 წლიდან დაინიშნა საკავშირო კატეგორიის მსაჯად.

1987 წლიდან მუშაობდა  ქ. სოხუმში თევზკომბინატის დირექტორად.

1989 წელს პირველმა ქართულ–აფხაზურმა კონფლიქტმა გამოიწვია სოხუმის საფეხბურთო გუნდ ,,დინამო"–ს დაშლა. ამის შემდეგ გურამ გაბესკირიას ინიციატივით ჩამოყალიბდა ახალი გუნდი ქ. სოხუმის ,,ცხუმი", რომლის პირველი პრეზიდენტი თავად გახლდათ.

1990 წლიდან არჩეული იქნა საქართველოს ფეხბურთის ფედერაციის პრეზიდიუმის წევრად.

1992 წელს საომარი მოქმედებების პერიოდში დაინიშნა ქ. სოხუმის მერად. იყო აფაზეთის ავტონომიური რესპუბლიკის თავდაცვის საბჭოს წევრი და მიენიჭა სამხედრო წოდება – პოლკოვნიკი.

დაჯილდოვებულია ვახტანგ გორგასლის I ხარისხის ორდენით.
скачать dle 11.1смотреть фильмы бесплатно