,,ეს დღე იმდენად დიდია, ჩიტიც კი ბუდეს არ იკეთებს ამ დღესასწაულზე"– საქართველოს კათოლიკოს–პატრიარქი სიონში შეკრებილ მრევლს ხარების დღესასწაულზე ესაუბრა.
მისი უწმინდესობის განმარტებით, იშვიათი მოვლენაა ხარების დღესასწაულის დიდ შაბათს დამთხვევა.
,,ყველას გილოცავთ ამ დიდებულ დღესასწაულს, ეს იშვიათი შემთხვევაა, რომ დიდ შაბათს დაემთხვა ხარების დღესასწაული. მთავარანგელოზი გაბრიელი მოევლინა ღვთის განგებით ღვთისმშობელ დედას და მიმართა მას ,,გიხაროდენ მიმადლებულო, უფალი შენთანა! ეს დღესასწაული იმდენად დიდია, რომ ჩვენი წინაპრები ამბობდნენ, რომ ჩიტიც კი ბუდეს არ იკეთებს ამ დღესასწაულზე. შევთხოვთ უფალს, რომ ყოვლადწმინდა ღვთისმშობლის ლოცვით, მისი მეოხებით, მისი შუამდგომლობით, მშვიდობა მოგვცეს ჩვენ, სრულიად საქართველოს და მთელ მსოფლიოს. სულიწმინდა მოვიდეს ,,ჩვენ ზედა და ძალი მაღლისა გვფარვიდეს ჩვენ." ბედნიერი აღდგომა გაგითენოთ ღმერთმა თქვენ, საქართველოს და მთელ მსოფლიოს” - ბრძანა უწმინდესმა.
