დუშეთის მუნიციპალიტეტის სოფელ ციხევდავში ძვ.წ.აღ.-ის პირველი საუკუნის სამაროვანი აღმოაჩინეს


     დუშეთის მუნიციპალიტეტის სოფელ ციხევდავში ძვ.წ.აღ.-ის პირველი საუკუნის სამაროვანი აღმოაჩინეს. გათხრილია ოთხი სამარხი, რომლებშიც მიცვალებულები ადრექრისტიანული ხანის საქართველოსათვის დამახასიათებელი, ე.წ. ემბრიონის პოზაში არიან დაკრძალულები.

     სამაროვანში შავი ფერის ლანგრები, წითლად მოხატული ჯამი, ხელადა და, რაც განსაკუთრებით აღსანიშნავია, რკინის შუბისპირი აღმოჩნდა. საბრძოლო იარაღი ამ პერიოდის სამარხებში იშვიათად ჩნდება და ამ თვალსაზრისით ციხევდავი ერთ-ერთი გამონაკლისია.

     ექსპედიციის ხელმძღვანელი დავით სულხანიშვილი განმარტავს, რომ ეს იყო სადაზვერვო ხასიათის გათხრები. ფართომასშტაბიანი სამუშაოები მომავალ წელს დაიწყება.
 
 
 
скачать dle 11.0фильмы бесплатно

წყარო: https://1tv.ge/news/dushetis-municipalitetis-sofel-cikhevdavshi-dzv-w-agh-pirveli-saukunis-samarovani-aghmoachines-foto/