ვილი სანიოლი საქართველოს ეროვნულ ნაკრებში 2028 წლის ჩათვლით იმუშავებს. ნაკრების მთავარ მწვრთნელს და საქართველოს ფეხბურთის ფედერაციას შორის თანამშრომლობის ახალი ხელშეკრულება გაფორმდა.

     ფრანგი სპეციალისტი ნაკრებს 2021 წლის თებერვალში ჩაუდგა სათავეში. მისი ხელმძღვანელობით, გუნდმა 42 მატჩი ჩაატარა. ვილისანიოლს უკავშირდება საქართველოს ნაკრების ყველაზე წარმატებული პერიოდი. მისი ხელმძღვანელობით, ეროვნულმა გუნდმა, ისტორიაში პირველად ევროპის ჩემპიონატზე ითამაშა და "ევრო 2024-ის" საუკეთესო 16 გუნდს შორის მოხვდა.

    2025 წლიდან ვილი სანიოლის ხელმძღვანელობით ჩვენი გუნდი მსოფლიოს 2026 წლის ჩემპიონატის საკვალიფიკაციო ეტაპზე ითამაშებს. ჯგუფური ეტაპის წილისყრა 13 დეკემბერს გაიმართება.