როგორ დავიცვათ თავი არასაჭირო ხარჯებისგან?


     ალბათ ყველას გქონიათ შემთხვევა, როდესაც სუპერმარკეტში  საჭირო პროდუქტების შესაძენად წასულხართ, მაგრამ სახლში სხადასხვა სანოვაგით დატვირთული დაბრუნებულხართ. ,,შემთხვევით” შეგიძენიათ პროდუქტები, რომლებიც საერთოდ არ გჭირდებათ? ეს სწორედ იმ ფარული ზემოქმედების შდეგად ხდება, რისი მეშვეობითაც PR–მენეჯერები ჯერ კიდევ კლიენტის მაღაზიაში შესვლამდე მათი მოძრაობის ტრაექტორიას და საყიდლების სიას განსაზღვრავენ. ამას რეკლამის ფსიქოლოგიას უწოდებენ და ნებსით თუ უნებლიედ ნებისმიერი ადამიანი ხდება მისი ზემოქმედების ქვეშ. 
 
 


     წარმოგიდგენთ მარკეტოლოგების მანიპულაციის რამოდენიმე ყველაზე  გამოყენებად ხერხს, რომლებიც ზედმეტი დანახარჯისგან დაგვიცავს.
save -ფასდაკლება – ადრე ფასდაკლებით ყიდდნენ მოდიდან გადასულ ან წუნდებულ საქონელს, დღეს ფასდაკლების დანიშნულება, კი გაყიდვის გაზრდაა. რა თქმა უნდა, ფასდაკლებებს პირვანდელი ფუნქცია მთლად არ დაუკარგავს, ზოგჯერ საქონელს მართლაც წუნის გამო აკლებენ ფასს, მაგრამ ეს იშვიათად ხდება. როდესაც მყიდველი 50%–ან ფასდაკლებას ხედავს, მყისიერად უჩნდება ჩამოფასებული საქონლის შეძენის სურვილი, ისე, რომ არც ფიქრობს, სჭირდება იგი თუ არა. ასეთ შემთხვევებში უმეტესწილად მოგებული მაღაზიის მეპატრონე რჩება. ყიდვა ფასდაკლების გულისთვის და საჭირო ნივთის ფასდაკლებით ყიდვა – სავსებით  განსხვავებული მცნებებია. მაგრამ, ხშირად ამ განსხვავების შეცნობის დროც არ გაგვაჩნია – ფასდაკლება ხომ მხოლოდ ერთი დღით არის გამოცხადბული.

     პროპაგანდა – რეკლამამ, მართლაც ღრმად შეაღწია ჩვენს ცხოვრებაში. ახალი სარეკლამო რგოლის ნახვიდან 21 დღის განმავლობაში ცნობიერებას მიაჩნია, რომ აღნიშნული საქონელი ჩვენი ცხოვრების განუყოფელი ნაწილია. ჩვენ გვსურს აღიარების მიღება, რასაც სარეკლამო რჩევის  დახმარებით ვაღწევთ. მაგალითად,  ,,ტელეფონის ყიდვით მყისიერად ყურადღების ცენტრში ვექცევით;” ,,ახალი მანქანის შესაძენად კრედიტის აღებით საქმეებში მიაღწევთ წარმატებას;”  ,,გამაგრილებელი სასმელის რამოდენიმე ყლუპის შემდეგ იმწამსვე ჯანმრთელობას 
ვიუმჯობესებთ."
 
 


     ,,PR–მეცნიერების” ხერხები – მარკეტინგის ოსტატები და PR–მენეჯერები ყოველდღიურად სწავლობენ მყიდველთა მოთხოვნას და ახალ–ახალ მარკეტინგულ ხერხებს იგონებენ. ამიტომაც ყველაფერი ნამდვილ მეცნიერებად იქცა. საცალო ვაჭრობის მკვლევარმა პაკო უნდერჰილმა დაწერა მარკეტინგის შესახებ წიგნი „რატომ ვყიდულობთ? ყიდვის მეცნიერება,”– რომელიც გამყიდველების სამაგიდო წიგნად იქცა. მოვიყვანთ მხოლოდ რამოდენიმე სახის მაგალითს, რომელსაც თითქმის ყოველდღე ვხვდებით:

1. კლიენტმა რაც შეიძლება მეტი დრო უნდა გაატაროს მაღაზიაში. ამას ხელს უწყობს სასიამოვნო მუსიკა და შესაბამისი განათება, რის გამოც ადამიანი მოეშვება, შეყოვნდება და შედეგად მეტ ფულს დახარჯავს.

2. საქონელი უნდა უვარდებოდეს მყიდველს ხელში. მყიდველი არ მიეწაფება ზედა ან ქვედა თაროს იმ ნივთის ასაღებად, რომლის ალტერნატივა ახლოს, მზერის დონეზე დევს.

3. იმპულსის მდგომარეობაში საყიდლების რაოდენობა იზრდება, მაგალითად სალაროსთან განთავსებული საქონლი.

4. მშობლები იყიდიან იმას, რასაც აირჩევენ ბავშვები. უნდერჰილმა დაადგინა, რომ უმეტესად  ბავშვები ირჩევენ სადილის ფანტელებსა და შინაური ცხოველების საკვებს. მშობლისთვის პრინციპში სულ ერთია, რომელი ფირმის საკვებით იკვებება მათი შინაური ცხოველი, ფანტელებსაც ძირითადად ბავშვები მიირთმევენ, ეს უკანასკნელნი კი ყველაზე ფერად და მიმზიდველ შეფუთვას ირჩევენ. მთავარი საიდუმლო ისაა, რომ ყველაფერი ბავშვისთვის ხელმისაწვდომ არეში უნდა იყოს განლაგებული. 

5. პროდუქციის უფასო ნიმუშები. გამოკვლევებმა ცხადყო, რომ ამა თუ იმ პროდუქტის უფასოდ გასინჯვის შემდეგ მყიდველთა 90% იძენს ამ პროდუციას.

6. შერეული საქონელი. მაგალითად, სანამ მყიდველი ცდილობს გარკვეს ჩიპსების მრავალფეროვნებაში, მისი კალთა ივსება არც ისე საჭირო პროდუქტებით. 

7. „ აქ უკვე უყიდიათ”– აღნიშნული ხრიკი იმაში მდგომარეობს, რომ თაროზე განლაგებული პროდუქციის ერთ რიგში გამყიდველები მის გარკვეულ რაოდენობას იღებენ, რის გამოც ყალიბდება შთაბეჭდილება, რომ საქონლი პოპულარულია.  

8. აღქმა კონტრასტის მიხედვით –  მაგალითად თუ თქვენ 400 ლარად შეიძინეთ ფეხსაცმელი, საყვარელი ზღვის ,,შლაპა”  200 ლარად ისე ძვირადღირებული აღარ მოგეჩვენებათ.


скачать dle 11.0фильмы бесплатно

წყარო: https://naked-science.ru/article/psy/18-09-2013-566