უნდა მოხდეს თუ არა საქართველოში მარიხუანას ლეგალიზაცია - NDI-ის მიერ გამოკითხულთა 74% ამ პროცესის წინააღმდეგია, ლეგალიზაციას მხოლოდ გამოკითხულთა 18% ემხრობა, 8%-ს კი ამ საკითხზე საკუთარი აზრი არ გააჩნია.
კვლევა ივნისი-ივლისის პერიოდში ჩატარდა და მასში საქართველოს მასშტაბით 2 ათას 500-მდე ადამიანმა მიიღო მონაწილეობა. სოციალურ საკითხებთან ერთად, კვლევა ქვეყანაში მიმდინარე პოლიტიკურ პროცესებს და კონკრეტული პარტიებისა თუ კანდიდატების მიმართ მოსახლეობის განწყობებსაც ასახავს.
