,,ნაცმოძრაობას" სურს პარლამენტის შტურმი პატრიოტიზმის გამოვლინებად, კონსტიტუციის დაცვა კი ბოროტებად წარმოაჩინოს"– პრემიერი


    ,,ნაციონალურ მოძრაობას" სურს, რომ საკითხი წარმოაჩინოს შემდეგნაირად, რომ პარლამენტის შტურმი არის პატრიოტიზმის გამოვლინება და კონსტიტუციის დაცვა კი არის ბოროტება"- ამის შესახებ მამუკა ბახტაძემ 20–21 ივნისის მოვლენების შეფასებისას განაცხადა. 
 
     მისი თქმით, განვითარებულ მოვლენებს მიეცემა სამართლებრივი შეფასება და დაუსჯელი არავინ დარჩება.

    ქართველმა ხალხმა დაინახა თავის ეკრანებზე თუ რასთან გვქონდა საქმე, და ბუნებრივია ამ ყველაფერს მიეცემა თავის სამართლებრივი შეფასებები.

     გვაქვს საკითხი შემდეგ მოცემულობასთან მიმდინარეობდა პარლამენტის შტურმი და პოლიცია იძულებული იყო გამოეყენებინა ლეგიტიმური ძალა, ეს არის შეფასება 20 ივნისის მოვლენების.

    გვყავს დაშავებულები და იყო შემთხვევები, როდესაც ზოგიერთმა სამართალდამცველმა გადააჭარბა უფლებამოსილებას, გამოიყენა ზედმეტი ძალა, ეს ყველაფერი უნდა დაადგინოს გამოძიებამ, რომ მოხდეს თითოეული ადამიანის იდენტიფიცირება.

     ამ ყველაფერს მიეცემა სამართლებრივი შეფასებები, არავინ დარჩება დაუსჯელი, პროცესი,რომელიც მიმდინარეობს 21 ივნისიდან არის ამის მკაფიო დემონსტრირება, ისე როგორც ე.წ. ის პოლიტიკოსები, უპასუხისმგებლო ადამიანები, არ ასცდებიან პასუხისმგებლობას, რომ გამოიყენეს ჩვენი ახალგაზრდების გულწრფელი პროტესტი, თავის მიზნებისთვის.

    სადმე არის კითხვის ნიშნები, რომ პოლიციამ გამოიყენა ლეგიტიმური ძალა? ეს არის მძიმე და ძალიან მტკივნეული საკითხი, სწორედ სოლიდარული ვარ ამ ნაწილში, აუცილებლად უნდა მივცეთ სამართლებრივი შეფასება, გამოძიება მიდის. 

     არავინ გეგმავდა სპეციალური საშუალებების გამოყენებას როდესაც პასიური კორდონი ვეღარ ახერხებდა აგრესიული ადამიანების აგრესიულად განწყობილი მომიტინგეების შეჩერებას, ისინი იძულებული იყვნენ გამოეყენებინა სპეციალური საშუალებები და ეს გადაწყვეტილება მიიღეს ადგილზე"-განაცხადა ბახტაძემ. 

     ვარიანში, იაკობ გოგებაშვილის სახლ-მუზეუმში ღონისძიება, რომელში პრემიერი მონაწილეობს აქციის ფონზე მიმდინარეობდა. მამუკა ბახტაძის განცხადებით, ის არაერთხელ შეხვედრია კრიტიკულად განწყობილ ადამიანებს და არც არასდროს შეექმნება უხერხულობა შეხვდეს აქციის მონაწილეებს.
скачать dle 11.0фильмы бесплатно