კვლევითი პორტალ Numbeo-ს დანაშაულის მაჩვენებლის ინდექსის თანახმად, თბილისი 2018 წელს მსოფლიოს 327 ქალაქს შორის 312-ე ადგილზეა და შესაბამისად, უსაფრთხოების მიხედვით, მეთექვსმეტე ადგილს იკავებს.
რეიტინგის ლიდერები უსაფრთხოების თვალსაზრისით აბუ-დაბი (არაბთა გაერთიანებული საამიროები), დოჰა (ყატარი), ბაზელი (შვეიცარია), სინგაპური და კვებეკი (კანადა) არიან.
რაც შეეხება ყველაზე საშიშ ქალაქებს, Numbeo-ს მონაცემებით, ესენია: სან-პედრო-სულა (ჰონდურასი), კარაკასი (ვენესუელა), პორტ-მორბსი (პაპუა-ახალი გვინეა), ფორტალეზა (ბრაზილია) და დურბანი (სამხრეთ აფრიკის რესპუბლიკა).
რაც შეეხება მონაცემებს ქვეყნების მიხედვით, დანაშაულის ინდექსით 117 ქვეყანას შორის საქართველო მეხუთე ადგილზეა. ყველაზე უსაფრთხო ქვეყნად იაპონიაა დასახელებული, ხოლო საშიშად – ვენესუელა.
Numbeo მსოფლიოში ერთ-ერთი უდიდესი მონაცემთა ბაზაა, რომელიც, მომხმარებელთა ინფორმაციაზე დაყრდნობით, მთელი მსოფლიოს მასშტაბით, ქვეყნებსა და ქალაქებში უსაფრთხოებისა და დანაშაულის კუთხით არსებულ ვითარებას და სხვა მონაცემებს აფასებს.
წყარო: https://1tv.ge/news/numbeo-s-danashaulis-indeqsit-tbilisi-327-qalaqs-shoris-usafrtkhoebis-tvalsazrisit-meteqvsmete-adgilzea/
