რუსმა სამხედროებმა გორის რაიონის სოფელ კირბალში, მწყემსი დააკავეს. ინფორმაციას სოფლის რწმუნებული დავით ცერცვაძე ადასტურებს. შემთხვევა იმ დროს მოხდა, როდესაც აკაკი დოთიაშვილი საქონელს მწყემსავდა.
სავარაუდოდ, მისი დაკავება საზღვრის უკანონო გადაკვეთის ბრალდებით მოხდა და ის ცხინვალის იზოლატორშია გადაყვანილი.
ფაქტის შესახებ ინფორმირებულია ევროკავშირის სადამკვირვებლო მისია.
