პატრიარქმა სამების ტაძარში საზეიმო წირვის დასრულების შემდეგ ამაღლების დღესასწაულსა და ასევე, ოჯახის სიმტკიცისა და სიწმინდის დღეზე ისაუბრა.
მისი თქმით ოჯახი სახელმწიფოს საფუძველია.
„ყველას გილოცავთ ამ დიდებულ დღესასწაულს – ამაღლებას უფლისა ჩვენისა იესო ქრისტესი. სიხარული გაუგებარია, როცა საყვარელი პიროვნება გშორდება შენ, მაგრამ მოციქულებს მუდამ ახსოვდათ – „მე თქვენთან ვარ ყოველთა დღეთა ვიდრე აღსასრულისა", დღესაც მაცხოვარი ჩვენი ჩვენთან არს. მადლობა უფალს დიდი წყალობისთვის. დღეს კიდევ ერთი დღესასწაულია ოჯახის სიმტკიცისა და სიწმინდის დღე. ოჯახია საფუძველი სახელმწიფოსი, ქვეყნისა და ჩვენ შევთხოვთ უფალს, რომ ბედნიერი იყოს ჩვენი ოჯახები", – აღნიშნა პატრიარქმა.
