,,გაბუნია არის ჩვეულებრივი პროვოკატორი," - ამის შესახებ ,,ქართული მარშის" ლიდერმა სანდრო ბრეგაძემ განაცხადა.
,,ეს იყო ახალგაზრდების მშვიდობიანი აქცია. გაბუნიას უნდოდა, რომ ხელი მოხვედროდა და არ მოხვდა. გაბუნია არის ჩვეულებრივი პროვოკატორი. სარწმუნოებას რომ გვიგინებს თქვენი ნაძირალა ჟურნალისტი ამის უფლება აქვს?"– მიმართა სანდრო ბრეგაძემ ჟურნალისტებს.
შეგახსენებთ, რომ ,,ქართული მარშის" წევრებმა ტელეკომპანია ,,რუსთავი 2"–ის დირექტორი ნიკა გვარამია და ჟურნალისტი გიორგი გაბუნია ტელევიზიის შენობასთან შეაყოვნეს. ,,ქართული მარშის" წევრები გაბუნიასგან რელიგიური გრძნობების შეურაცყოფის გამო ბოდიშის მოხდას ითხოვენ.
