საქართველოს პირველი დემოკრატიული რესპუბლიკის დაარსებიდან 100 წლის იუბილესთან დაკავშირებით ეროვნულმა ბანკმა 10 ლარის ნომინალის ვერცხლის საკოლექციო მონეტა გამოუშვა.
ეროვნული ბანკის გადაწყვეტილებით, იმისათვის, რომ მონეტის შეძენა შეძლოს მაქსიმალურად ბევრმა კოლექციონერმა, პირველი 5 დღის განმავლობაში დაწესდება შეზღუდვა - ერთ მომხმარებელს შეეძლება იყიდოს არაუმეტეს ორი მონეტისა. მონეტის შეძენისას საჭიროა პირადობის დამადასტურებელი დოკუმენტი.
მონეტის შეძენა შესაძლებელი იქნება:
საქართველოს ეროვნული ბანკის საკასო ცენტრში, მისამართი: თბილისი, კახეთის გზატკეცილი 72, ორშაბათიდან პარასკევის ჩათვლით (სამუშაო საათები: 10:00 - 17:00, შესვენება - 13:00-14:00)
საქართველოს ეროვნული ბანკის ფულის მუზეუმში, მისამართი: ყვარელი, რუსთაველის ქ. 10. ხუთშაბათიდან ორშაბათის ჩათვლით (სამუშაო საათები 10:00-17:00, შესვენება 13:00-14:00)
