გორის მუნიციპალიტეტის, სოფ. ბობნევის (ბოშურის თემი) წმ. იოანე მახარებლის ეკლესიას ეროვნული მნიშვნელობის კატეგორია განესაზღვრა.
ეკლესია გვიანი შუა საუკუნეებისთვის მახასიათებელი სადა არქიტექტურული ფორმებით, მაღალი დონის კედლის მხატვრობით და ისტორიული წარწერებით გამოირჩევა.
ბობნევის წმ. იოანე მახარებლის დარბაზული ეკლესიის შენობა ნაგებია დუღაბის სქელ ფენაში ჩაფლული კლდის ნამტვრევი ქვით და რიყის ქვით.
