"ეს ფაქტი რაც მოხდა, აჩვენებს მის ზნეობას თუ გააჩნია საერთოდ და რა თქმა უნდა, არ გააჩნია, მაგრამ საზოგადოებისთვის, ეს მის ზნეობას აჩვენებს"- ამის შესახებ ხალხის ძალის ლიდერმა გურამ მაჭარაშვილმა გიორგი გახარიაზე თავდასხმის ფაქტის კომენტირებისას განაცხადა. 

     მისი თქმით, გიორგი გახარია უფრო მეტად მოღალატეა, ვიდრე კოლექტიური ნაცმოძრაობა.

     ,,გამომდინარე აქედან, საზოგადოებამ კიდევ ერთხელ დაინახა, რომ გახარია არის უფრო მეტად მოღალატე, ვიდრე კოლექტიური "ნაცმოძრაობა". იმის შემდეგ, რაც ჩვენ გუშინ ვიხილეთ - გიორგი გახარიას პასუხი ჟურნალისტის კითხვაზე, რომ თურმე პოლიციელს რომ დაარტყა ხელი, ეს არაფერია და არის გამოხატვის თავისუფლება, ამის შემდეგ, კომენტარიც კი ზედმეტია იმასთან დაკავშირებით, თუ ვისთან გვაქვს ჩვენ საქმე,"- აცხადებს საპარლამენტო პოლიტიკური ჯგუფის "ხალხის ძალა" თავმჯდომარის მოადგილე გურამ მაჭარაშვილი.