სალომე ზურაბიშვილს შეეძლო, დღეს ისეთი გადაწყვეტილება მიეღო, რაც პოზიტიურად შეიყვანდა ისტორიაში, შეეძლო, დღეს პირდაპირ შეეწყალებინა ნიკა გვარამია, – ამის შესახებ ოპოზიციონერმა დეპუტატმა, რომან გოცირიძემ ევროპარლამენტში საქართველოს პრეზიდენტ სალომე ზურაბიშვილის სიტყვით გამოსვლის შეფასებისას განაცხადა.
მისი თქმით, სალომე ზურაბიშვილს ევროპარლამენტში გამოსვლისას სწორი აქცენტები ჰქონდა.
„უკრაინაში რუსეთის აგრესიის შემდეგ სწორ გზას ადგას. მისი ყველა განცხადება, მათ შორის უკრაინის სოლიდარობაზე, რუსეთის შეფასება და ხელისუფლების მხრიდან ფაქტობრივად საგარეო კურსის ცვლილებაზე, სწორი გზავნილებია. ეს მისასალმებელია, თუმცა უკმაყოფილების გრძნობა მაინც რჩება, თუნდაც იმის გამო, რომ მას შეეძლო, დღეს ისეთი გადაწყვეტილება მიეღო, რაც პოზიტიურად შეიყვანდა ისტორიაში. შეეძლო, დღეს პირდაპირ შეეწყალებინა ნიკა გვარამია. როდესაც ამბობს, ზეწოლის გარეშე შეუძლია ვინმეს შეწყალება და ირიბად რაღაცას გულისხმობს, ეს დაგვიანებულია. ყოველ შემთხვევაში, ამას არავინ დაუფასებს“, – განაცხადა რომან გოცირიძემ.
წყარო: 1 tv
