ორფოლოს პოლიგონზე გარდაცვლილი ჯარისკაცის ვინაობა ცნობილია


     ორფოლოს პოლიგონზე გარდაცვლილი ჯარისკაცი 31 ჭლის მირზა გიას ძე ჩაჩუაა.
     
     თავდაცვის სამინისტრო გარდაცვლილის ოჯახს სამძიმარს უცხადებს.
 
     ,,საქართველოს თავდაცვის სამინისტრო ღრმა მწუხარებას გამოთქვამს კაპრალ მირზა გიას ძე ჩაჩუას (დაბადებული 17.02.1987 წ.) გარდაცვალების გამო და სამძიმარს უცხადებს გარდაცვლილის ოჯახსა და ახლობლებს.

     საქართველოს შეიარაღებული ძალების III ქვეითი ბრიგადის 34-ე საარტილერიო ბატალიონის მძღოლი ორფოლოში, პოლიგონზე მიმდინარე გეგმიური წვრთნის ერთ-ერთი ეტაპის დასრულების შემდეგ შეუძლოდ გახდა, რის შემდეგაც ის გულის უკმარისობით ახალციხის კლინიკა „უნიმედის" რეანიმაციის განყოფილებაში გადაიყვანეს. მას გულის პირდაპირი მასაჟის სარეანიმაციო ღონისძიებები ჩაუტარდა, თუმცა კაპრალ მირზა ჩაჩუას გადარჩენა ვერ მოხერხდა.

     მომხდართან დაკავშირებით გამოძიება დაიწყო შინაგან საქმეთა სამინისტროს სამცხე-ჯავახეთის დეპარტამენტის ახალციხის რაიონულმა სამმართველომ, 116-ე მუხლის პირველი ნაწილით,"– ნათქვამია თავდაცვის სამინისტროს განცხადებაში. 
скачать dle 11.0фильмы бесплатно