საქართველოს პრეზიდენტი მიიჩნევს, რომ მაუწყებლის შესახებ კანონთან დაკავშირებით ვეტოს დაძლევა, პლურალისტურ მედიას და „საზოგადოებრივი მაუწყებლის" იმიჯს დააზარალებს - ამის შესახებ გიორგი მარგველაშვილმა თელავის უნივერსიტეტში სტუდენტებთან შეხვედრისას ისაუბრა.
„ქართული ოცნებისთვის" ინსტიტუტების შერყევა საფირმო ნიშანი გახდა და ასე მოხდა უშიშროების საბჭოს შემთხვევაში. მე არ მიკვირს, რომ სამწუხაროდ იგივე ხდება მედიასთან მიმართებაშიც. რანაირად უნდა იყო მმართველი პარტია თუ არ უფრთხილდები იმ შენობას რომელშიც შენ ხარ მმართველი,"-განაცხადა გიორგი მარგველაშვილმა.
